Հայաստանում մեկ շնչի հաշվով կարտոֆիլի միջին ամսական սպառումը կազմում է 3,2 կգ։Լուրեր Հայաստանից – NEWS.am«. Հայ հասարակությունը զգայուն է այս ապրանքի թանկացման նկատմամբ։
2022 թվականի փետրվարին, նախորդ տարվա փետրվարի համեմատ, կարտոֆիլի գներն աճել են 71,4 տոկոսով։
Իրավիճակի վրա ազդել է աճող պահանջարկը, քանի որ մարդիկ նախընտրում են ավելի շատ կարտոֆիլ օգտագործել այլ ապրանքների հաշվին։ Մտահոգիչ է, որ վերջին չորս տարիներին կարտոֆիլի արտադրությունը կտրուկ նվազել է։
2021 թվականին կարտոֆիլի համախառն բերքը կազմել է 364,6 հազար տոննա, ինչը 12,2 տոկոսով պակաս է 2018 թվականի համեմատ։ 2021-ին, 2018-ի համեմատ, կարտոֆիլի ցանքատարածությունները նվազել են 9%-ով։ Եթե 2018 թվականին մեկ հեկտարից ստացել են 187,3 ցենտներ կարտոֆիլ, ապա 2021 թվականին՝ 179,3 ցենտներ։ Արտահանման կտրուկ աճը զգալի ազդեցություն է ունեցել նաեւ կարտոֆիլի գնի վրա։ 2021 թվականին Հայաստանից (հիմնականում Ռուսաստան) արտահանվել է 48,3 հազար տոննա կարտոֆիլ, ինչը շուրջ 4,5 անգամ ավելի է, քան 2020 թվականին։