Տեղական բարձրորակ կարտոֆիլի սերմերի բացակայությունը վերջին շրջանում մեծ խնդիր է դարձել ադրբեջանական ֆերմերների համար, հայտնում է Sputnik Ադրբեջանը։ Կարտոֆիլագործները ստիպված են դրսից թանկարժեք սերմացու ներկրել.
Տեղական սորտերի սելեկցիան և սերմարտադրությունն իրականացվում է Թովուզի փորձակայանում։ Մասնագետները նշում են, որ տեղական սերմերը ավելի էժան են և ավելի բերքատու, քան ներկրված կարտոֆիլը։ Լավ խնամքով, Արանի հարթավայրի դաշտերում կարտոֆիլ մշակելով, հեկտարից կարելի է ստանալ մոտ 25-30 տոննա։
«Ներկայումս Թովուզի փորձակայանի դաշտերում աճեցվում են հայրենական կարտոֆիլի «Ամիր-600», «Սևինջ», «Թելման» սերմեր: Ի տարբերություն ներմուծվող սորտերի, տեղական սերմերը ավելի էժան են։ Բայց դրանք բավարար չեն, և ֆերմերների մեծ մասը չի կարող օգտագործել դրանք»,- ասում է Թովուզի փորձարարական կայանում կարտոֆիլի աճեցման սելեկցիոն և սերմերի լաբորատորիայի ղեկավար Յուսիֆ Մուստաֆաևը:
Սակավության պատճառն, ըստ Մուստաֆաևի, այն է, որ փորձարարական հողատարածքների համար հատկացված ցանքատարածությունը քիչ է։
«Մենք փորձում ենք կարտոֆիլի նոր սորտեր ստեղծել։ Ներկայումս ինստիտուտն արդեն ստեղծել է մի քանի նոր արտադրանք։ Սրանք են Չանլիբելը, Ուգուրը, Վագիֆը և այլք։ Նրանք արդյունավետ են և դիմացկուն են հիվանդություններին: Սակայն փորձարարական տարածքները բավարար չեն։ Մեր նպատակն է ավելացնել սերմացուների քանակը, որպեսզի առաջիկայում հանրապետությունը ապահովվի դրանցով»,- ասաց նա։
Ադրբեջանում կարտոֆիլն այժմ աճեցվում է 60-70 հազար հեկտար տարածքում, և գյուղացիական տնտեսություններին անհրաժեշտ է ավելի քան 200 հազար տոննա այս մշակաբույսի սերմացու: