Եվրոպական միրգ և բանջարեղեն արտադրողների ասոցիացիան (Eucofel) Եվրահանձնաժողովին կոչ է արել բացել արտահանումը դեպի ռուսական շուկա։
Ռուսաստանի հետ երկխոսությունը վերսկսելու խնդրանքով բաց նամակ են ստորագրել Իսպանիայի, Ֆրանսիայի, Գերմանիայի, Հունաստանի, Իտալիայի, Լեհաստանի և Պորտուգալիայի մրգի և բանջարեղենի ոլորտի ներկայացուցիչները։ Հարցումն ուղղվել է Եվրահանձնաժողովի ղեկավար Յանուշ Վոյցեխովսկուն Բրյուսելում։ Ռուսական շուկայի բացումը, ըստ Eucofel-ի, կթեթևացնի արդյունաբերությանը հասցված հարվածը կորոնավիրուսի տարածումից։
«Այժմ, առավել քան երբևէ, անհրաժեշտ է Եվրամիության և Ռուսաստանի համատեղ որոշումը՝ վերսկսել սննդամթերքի արտահանումը», պնդում են Eucofel-ում։
Բացի այդ, պտուղ-բանջարեղեն արտադրողները խնդրում են ժամանակավոր աջակցության միջոցներ ձեռնարկել արտադրողների համար, որոնք կերաշխավորեն ապրանքների գների համարժեք մակարդակ, կվերականգնեն շուկայում հավասարակշռությունը և կվերացնեն խախտումները։ Նաև Eucofel-ը պահանջում է կանոնների փոփոխություն կազմակերպությունների համար, որոնք կարող են օգնել նվազեցնել որոշ ծախսեր և դանդաղեցնել արտադրության թանկացումը: Սա ներառում է գործող ֆոնդի ֆինանսավորման ավելացումը 70%-ով և սեզոնային աշխատողների տրամադրումը այն տարածքներում, որտեղ նրանք կարիք ունեն:
Այժմ ԱՄՆ-ից, Եվրամիության երկրներից, Կանադայից, Ավստրալիայից, Նորվեգիայից, Ալբանիայից, Չեռնոգորիայից, Իսլանդիայից, Լիխտենշտեյնից և Ուկրաինայից գյուղատնտեսական ապրանքների որոշակի տեսակների մատակարարումը սահմանափակող ռուսական հակապատժամիջոցները վերաբերում են բանջարեղենի և մրգերի գրեթե բոլոր տեսակներին։ բացառությամբ կարտոֆիլի սերմերի, սոխի, ոլոռի և եգիպտացորենի, ինչպես նաև մանկական սննդի արտադրության համար ներկրված սառեցված և չորացրած բանջարեղենի։