Ռուսաստանում առաջարկել են էլեկտրոնային եղանակով հողատարածքների տրամադրման մրցույթներ անցկացնել, հայտնում է «Խորհրդարանական թերթ».. Համապատասխան օրինագիծը երկրորդ ընթերցմամբ ընդունվել է սեպտեմբերի 27-ին Պետդումայի լիագումար նիստում։
Այսպիսով, հողային օրենսգրքում փոփոխություններ են կատարվում, որոնք թույլ են տալիս էլեկտրոնային աճուրդներ անցկացնել պետական և համայնքային սեփականություն հանդիսացող հողամասերի ձեռքբերման կամ վարձակալության համար։
Պետդումայի գույքային, հողային և ունեցվածքային հարաբերությունների հանձնաժողովի փոխնախագահ Վլադիմիր Սամոկիշի խոսքով՝ այս նախաձեռնության իրականացման համար ապահովվել է էլեկտրոնային ռեսուրսների պատրաստվածությունը և անհրաժեշտ տեղեկատվության անվտանգությունը։
«Օրինագիծը կբարձրացնի մրցակցությունը, կբարելավի սպասարկումը և կնվազեցնի կոռուպցիան, որն առկա է առերես և թղթային առևտրում»,- ասաց նա։ Նախաձեռնության համաձայն՝ աճուրդի հաղթողը կկարողանա հրաժարվել գործարքի կնքումից, իսկ գնման իրավունքը կտրվի երկրորդ ամենաբարձր առաջարկը կատարած մասնակցին։