Եվրոպայում մրգերի և բանջարեղենի արտադրողները և մանրածախ առևտուրը բախվում են սառնարանային հզորությունների աճող պակասի հետ:
Համաճարակի պատճառով սննդի օբյեկտների փակվելուց հետո կտրուկ աճել է սառնարանային պահեստներում կամ սառցարաններում չվաճառված ապրանքները պահելու պահանջարկը։
Փոփոխված տնտեսական պայմաններում գրեթե անհնար է դարձել գտնել առևտրային սառնարանային սարքավորումներ, ուստի ֆերմերները ստիպված են լինում կրճատել արտադրությունը կամ թափոնների ավելացած քանակությունը:
Միջազգային լոգիստիկ Lineage Logistics ընկերության ներկայացուցչի խոսքով՝ Եվրոպայի սառնարանային հզորությունների ավելի քան 90%-ն արդեն օգտագործվում է։ Cold Chain Federation-ի գործադիր տնօրեն Շեյն Բրենանը նշել է, որ Մեծ Բրիտանիայում գրեթե սառցարաններ չեն մնացել: Եվրոպական հանձնաժողովն արդեն 15%-ով կրճատել է ապրանքների և ծառայությունների արտահանման իր կանխատեսումները՝ միջազգային առևտրի ցածր ներուժի պատճառով։
Փորձագետների կարծիքով՝ պահանջարկի վերականգնումը և մատակարարման շղթաների նորմալացումը կօգնի լուծել պահեստավորման հետ կապված խնդիրը։
«Առաքումները կչեղարկվեն մինչև հունիս և հնարավոր է 2020 թվականի երրորդ եռամսյակի ընթացքում։ Արտահանման անկարողությունը կհանգեցնի Եվրոպայում սննդի գերբեռնվածության, սառնարանային հզորությունների ծանրաբեռնվածության և գների հետագա աճի», - ասում է Rabobank-ի գյուղատնտեսական հետազոտությունների կենտրոնի մատակարարման մասնագետ Մատեո Ջագատին: