Ղազախստանի Հանրապետության արտաքին առևտրի քաղաքականության և միջազգային տնտեսական կազմակերպություններին մասնակցության միջգերատեսչական հանձնաժողովը որոշել է հաստատել երկրից կարտոֆիլի և գազարի արտահանման ամբողջական արգելքը՝ 3 ամսով։
Այս տարի հավաքված կարտոֆիլի և գազարի բերքը բավարար է ներքին սպառման և արտահանման ներուժը պահպանելու համար։ Հարևան երկրներում, սակայն, համեմատաբար ցածր բերք է նկատվում, ինչը ենթադրում է պահանջարկի ավելացում և ներքին շուկայում գների լրացուցիչ ճնշում։ Ղազախստանի Հանրապետության տարածքից կարտոֆիլի և գազարի արտահանման արգելքը հաստատելու որոշումն ընդունվել է ներքին շուկայում դեֆիցիտի առաջացումը վերացնելու և գները կայունացնելու նպատակով։
Սահմանափակումները ուժի մեջ կմտնեն դեկտեմբերի վերջից։ Մեկ ամսվա ընթացքում երկրի գյուղատնտեսության նախարարությունը կիրականացնի ամենօրյա մոնիտորինգ և շուկայի վերլուծություն։ Երբ իրավիճակը կայունանա, կդիտարկվի սահմանափակող միջոցների վերացման հարցը։